|
Mwen se yon pwofesè nan lekòl primè depi nan
lane 1995.
Mwen se sekretè jeneral yon òganizasyon peyizàn
ki rele AAPLAG depi Jen 2004. ( Asosyasyon Animatè ak Peyizan
Lagonav) Mwen te vin manm òganizasyon sa a depi nan lane
1998. Oganizasyon sa a travay nan plizyè domèn, tankou:
ledikasyon granmoun, anviwònman ak agrikilti, mikwo finans,
pledwaye sosyal ak sanitasyon.
Mwen kòmase travay ak LKM nan 2002 nan klas 4è ane.
Mwen te konnen tou 2 direktè yo ki se Chris Low ak Abner
Sauveur depi nan 1995 lè m te kòmanse travay nan pwogram
alfa AAPLAG te genyen, se te Abner Sauveur kit e kòdonatè
pwogram sa a epi Chris tea pi teknik pou yo. Tou de (2) te abitye
sipèvize travay mwen kòm yon pwofesè ni pou
granmoun ni pou timoun.
Nan lane 2003, mwen vin office manager LKM. Mwen te kòmanse
aprann teknik administrasyon, men m te sèlman fè sa
pou yon ane, se te 2001 - 2002. Mwen pa t fini l.
Mwen se yon monitè lekòl Dimanch nan legliz Batis
Grannsous. Avan mwen te vini Matènwa, mwen te deja yon monitè
lekòl Dimanch depi nan ane 1997 Pwent Latanye kote m te grandi
a.
Bi mwen kòm yon pwofesè se rive ede elèv mwen
yo jwennn yon pi bon ledikasyon ki pratik sa vle di ki marye ak
reyalite lavi timoun yo e ki kapab fè yon vin yon vrè
lidè nan kominote kote y ap viv la. Se poutèt sa a
m ap travay nan yon lekòl k ap chèche devlope metòd
lidèchip kay timoun yo ak pwofesè yo.
M ap chèche kolaborasyon nan men tout moun ki gen konesans
nan ledikasyon altènativ pou ede m devlope plis kapasite
lakay elèv mwen yo epi devlope tout bon metòd lakay
ansanm ak pwofesè kòlèg mwen yo pou remèt
yon pi bon travay chak jou pi plis.
LKM gen kèk metòd li iilize k ap ankouraje dyalòg
epi ankouraje moun pran responsablite yo, mwen ta kapab site Wonn
Refleksyon ak Espas Ouvè.
Tande Benaja pale
|
